Situesen Apdeit 4 May:

Kasem tedei i nokat konfem kes blong COVID-19 long Vanuatu​


  • Long 11 ​Eprel 2020, Presiden blong Vanuatu hemi saenem dikleresen blong Steit blong Emejensi blong  ful Vanuatu long wan period blong 30:dei, mo pepos blong hemi blong putum strong efot long privensen mo kontenmen mejas blong COVID-19. Mo hemi tok aboat damej long Saeklon Harold (long 6-7 Apreal, Ludlum repot long TC Harold Situasen Repot).
     
  • Noia, ino kat konfem mo ino kat saspek keis blong COVID-19 long Vanuatu.
     
  • Noia, i no Kat eni man long kwarantin long Vanuatu.
     
  • Blo lukaotem spred long COVID-19, oli stap karem sampol  mo sendem I go long wan laboratori long ovasi  blong mekem test long hem. Test ia hemi olsem wan prikosen meja mo help blong privensen blong sik ia long kaontri.
     
  • Ol Privensen mo ol step blong adresem COVID-19, risk komunikesen, seveliens mo klinikel prepresen blong ol aktiviti oli kontiniu nomo, no mata we I bin kat sam isiu blong Tropikel Saeklon  Harold.
     
  • Toktok blong enkarejmen I bin go long everiwan blong stopem spred blong ol ruma mo infomesen we ino stret. Ministry blong Helt hem nomo hemi praemeri sos blong ol stret mo apdet helt infomesen blong Vanuatu mo hemi provaedem infomesen long ol kwestien tru long plante gudfala platfom olsem: website, Facebook, Hotlaen, fri webpej mo email. 

Moa infomesen:
 

Spos yu kat fiva, kof mo no save pulum gud win, ko long wan helt senta klosap long yu. 
 
No tajem mo no go klosup long nara man. 

 

5 Samting blong Save
1. Wanem ia COVID-19?
COVID-19 hemi sot nem blong Coronavirus we hemi niu mo oli no bin faenem aot bifo long human. Coronavirus hemi kam aot long wan laj o bikfala famili blong ol vaeras we oli faenem long ol animol mo long ol human.

2. Wanem nao ol simptom blong COVID-19?

Long fulap kes, COVID-19 hemi kosem ol smol simtoms olsem nus I ron, trot I soa, kof mo fiva. Sik i save kam mo strong long sam man mo save mekem oli kasem pneumonia o problem blong no save pulum gud win. Long sam kes, infeksen I save mekem man I ded.

3. Olsem wanen nao COVID-19 hemi spred?

COVID-19 hemi spred isi nomo tru long ol klosap kontak wetem wan peson we hemi kasem vaeras ia. Taem we wan man we I kasem COVID-19 hemi kof o snis, ol smol droplet oli rilis mo spos yu stap klosap tumas, bae yu kasem vaeras ia I ko insaed long lang blong yu taem we  yu pulum win. 

4. Hu nao I stap long risk?

Yumi nid blong lanem moa long hao nao COVID-19 hemi afektem ol pipol. Ol olfala mo ol man we oli kat ol narafala sik olsem sik suka, sik blong hat, oli save stap long risk blong sik bigwan moa.

5. Wanem nao tritmen blong COVID-19?

Naoia I no kat meresin blong COVID-19. Be fulap simtoms oli save tritim.

5 Samting blong Makem 

1. Wasem han blong yu oltaem

Wasem ol han blong yu wetem sop mo wota o spos ol han blong yu oli no toti tumas , rabem han blong yu wetem wan prodak we I kat alkol long hem. Hemia bae I tekem aot vaeras we spos I stap long ol han blong yu
 

2. Kaveremap maot mo nus blong yu long elbo blong yu we yu benem o usum wan tisu taem yu kof  mo sniz

Sakem aot tisu we yu usum stret taem mo wasem han blong yu wetem sop mo wota o rabem han blong yu long wan prodak we I kat alkol long hem. Long fasin ia yu protektem ol narafala wan long eni vaeras we I kamaot taem we yu kof mo sniz
 

3. Spos hemi posibol, stap 1 mita longwe long narafala man we I kof, snis o I kasem fiva.

COVID-19 hemi save spred isi taem we yu stanap kolosap long wan man we hemi kasem vaeres ia vinis.
 

4. No tajem ae, nus mo maot.

Ol han oli save tajem ol ples we I kat vaeres ia long hem. Sapos yu tajem ae, nus o maot wetem han we hemi toti, yu save pasem vaeres ia we I stap long ples we yu tajem I ko long yu wan.
 

5. Spos yu kat fiva, kof mo no save pulum gud win, ko long wan medikol senta. 

Folem ol instraksen blong dokta o nes oltaem mo ol ofisel helt infomesen we hemi stap ko long pablik.

© MOH Vanuatu — All rights reserved.